[潮童焗飯] 菠蘿油以外。金華冰廳

得獎西多士:西多士上到枱,你會見到外有鬆化既蛋漿,蛋香濃郁;上有一大塊牛油,慢慢咁溶緊。

依我既慣例,首先要用刀係西多士上亂插十幾刀到底,然後落糖漿,跟手用刀上上下下左左右右咁將牛油同糖漿掃勻到西多既每一個角落。等等,點解要亂刀插西多呢?你會發現,牛油同糖漿係呢個時候會沿著西多士既傷口,流入內部,食果時就內外都有啦。

係我最愛常餐既民華餐廳附近,仲有間小店(其實已經好出名,好多旅客特登黎)係我張List上頭幾名。佢就係金華冰廳!(掌聲~尖叫~)

金華餐廳最出名,亦都係起家之作,就係菠蘿油奶茶。香脆既酥皮、鬆軟溫暖既包身、加上冰凍既一磚牛油,大大啖咬落去,「冰火兩重天」菠蘿油咁就征服左你個胃;熱奶茶呢,我就唔飲奶茶咖啡既,未飲過既野,我唔識寫,亦唔會寫。

其實,睇題目就知,今次係講「菠蘿油以外」,咁即係咩呢?今晚我就食左「雞扒炒出前一丁」同「西多士」。

雞扒炒出前一丁 $54:

識追求,一定係將公仔麵轉做出前一丁,麵質更彈牙,更有口感。個人黎講,對炒丁有幾個要求,符合到先叫好食。

第一,乾身,如果多汁,一Pet野上黎既,我真係接受唔到;
第二,啡色,一個合格既炒丁應該係淺啡色,有機會「入味」。如果出到黎係米色(唔夠味),或者係深啡接近黑(極有可能都係唔夠味,比老抽染色only,好少可太咸)就一定唔得。同埋,顏色一定要平均,如果一忽啡、一忽米色,即係廚師炒得唔夠均勻、隨時有部分唔夠味或者唔夠熟;
第三,份量,起碼都比返一個麵既份量,咁先頂肚(好多餐廳都比唔足,食完好似無食過野咁)

金華既炒丁,唔係好符合第一個條件:唔夠乾身,撩一撩就會發現底果層係一Pet野。唯有自己撩一撩攪散條麵;味道方面,入味,亦炒得夠平均,唔會突然有一忽無味既情況出現;

R0044859R0044863

至於份量呢,好滿足,估計有兩份出前一丁既份量。當然,咁足料既代價,就係「加十蚊」。以我既經驗,一般黎講都係「加五蚊」,咁多出黎果五蚊,好明顯係加一個麵既價錢。

好啦,講返呢樣食物既配角(誤!?):雞扒。幾有誠意,差d可以將成塊雞扒還原出黎,肉質亦尚算嫩滑,無雪味(係呀,係茶記食雞扒好易出伏嫁)

R0044864

熱檸茶:作為老字號茶記,呢到既檸茶真係真係好好飲,個茶底正到爆炸。唔知水吧師父可唔可教我點配個茶底出黎呢?

R0044861

原本諗著食個雞扒炒丁就算既,點知我大佬話唔係好夠,問我食唔食西多。咁…好啦,我唯有勉強一戰,陪佢食塊西多啦 =p

得獎西多士 $19:西多士上到枱,你會見到外有鬆化既蛋漿,蛋香濃郁;上有一大塊牛油,慢慢咁溶緊。

依我既慣例,首先要用刀係西多士上亂插十幾刀到底,然後落糖漿,跟手用刀上上下下左左右右咁將牛油同糖漿掃勻到西多既每一個角落。等等,點解要亂刀插西多呢?你會發現,牛油同糖漿係呢個時候會沿著西多士既傷口,流入內部,食果時就內外都有啦。

R0044866 R0044868 R0044862下次黎金華冰廳,唔一定叫菠蘿油既,試下佢既炒丁同西多都唔錯嫁。

當然,Why Not Both =p?

讚好「潮童焗飯」Facebook專頁,收受最新既資訊:https://www.facebook.com/modernchildhk

餐廳資訊:

金華冰廳

電話:2392 6830

營業時間:星期一至日: 06:30-12:00

地址:太子弼街47號地下

Comments

comments

潮童焗飯

吃貨一名

Add comment

發表迴響

收取最新資訊

最多人睇

潮童焗飯 Facebook

/* ]]> */